Casus fotolardan görünür ki, hazırkı sedan kuzovu liftbeklə əvəz olunacaq.

Avtomobilin ölçüləri — 5017/1970/1427 mm, təkər bazası isə 3008 mm-dir. Yeni model selefindən daha aerodinamik və axıcı dizayna malikdir.

P7 iki variantda təqdim olunacaq:

🔹 Arxa ötürücülü, 270 kVt gücündə tək mühərrikli versiya;
🔹 Ümumi gücü 437 kVt olan tam ötürücülü versiya.

Batareya üçün də iki seçim mövcuddur — 74,9 kVt·s və 92,2 kVt·s.
Gediş ehtiyatı isə belədir:
▪️ Arxa ötürücülü (RWD) üçün 702 km,
▪️ Artırılmış gediş ehtiyatlı versiya üçün 820 km,
▪️ Tam ötürücülü (AWD) üçün 750 km.

Bütün versiyalar 800 V yüksək gərginlikli platformanı və 5C sürətli doldurma texnologiyasını dəstəkləyəcək. Müqayisə üçün, eyni 5C texnologiyasından istifadə edən Xpeng G7 optimal şəraitdə 10 dəqiqəyə 436 km-lik enerji toplaya bilir.

Xpeng bildirir ki, yeni P7 modeli Çinli və beynəlxalq dizaynerlərin iştirakı ilə 5 il ərzində hazırlanıb. Çin avtomobil sənayesində orta hesabla yeni modelin hazırlanması 1,8 il çəkdiyindən bu, xeyli uzun müddət sayılır.

Yeni P7-nin əsas rəqibləri Nio ET5, Tesla Model 3 və Xiaomi SU7 olacaq. Avqust təqdimatında qiymət və son komplektasiyalar açıqlanacaq.