Yaponiyanın Mitsubishi şirkəti Çini tamamilə tərk etdiyini elan edib. Şirkət 1997-ci ildən fəaliyyət göstərən və Shenyang Aerospace ilə birgə təsis etdiyi birgə müəssisədən çıxıb. Bu zavod yalnız Mitsubishi üçün deyil, həm də Çin avtomobilləri üçün mühərrik istehsalı ilə məşğul idi. Yapon şirkətinin çıxışından sonra zavod yeni ad altında fəaliyyətini davam etdirəcək.
Şirkətin Çin bazarından çıxmasının əsas səbəbi — ölkədə avtomobil sənayesinin sürətlə elektromobillərə keçidi və yerli brendlərə üstünlük verilməsidir. Mitsubishi burada cəmi üç model — Outlander, ASX və Eclipse Cross təklif edirdi, onlardan yalnız ASX-in elektrik versiyası mövcud idi. Bu isə yerli nəhənglərə qarşı rəqabət üçün kifayət etmədi.
2023-cü ilin I rübündə GAC Mitsubishi-nin zərəri 200 milyon dollara yaxın olub.
Vəziyyəti düzəltmək cəhdilə Guangzhou şəhərindəki zavod elektrik avtomobillərin istehsalına keçidi üçün Mitsubishi-nin törəmə brendi olan Albion markasına uyğunlaşdırıldı, lakin bu addım uğur gətirmədi. Nəticədə Mitsubishi region üzrə strategiyasını yenidən nəzərdən keçirdiyini bəyan etdi.
Çindən çıxış — şirkətin bu ölkədəki 52 illik fəaliyyətinin sonu deməkdir. Mitsubishi-nin Çindəki fəaliyyəti 1973-cü ildə yük avtomobillərinin tədarükü ilə başlamışdı. Bir vaxtlar Çindəki avtomobillərin üçdəbirinə qədərinin güc qurğularını təchiz edən bu brend, elektromobillərin yüksəlişi fonunda tələbatını itirdi.
Bəs növbəti kim olacaq?
