Bu gün Li Auto şirkəti özünün ilk tam elektriklə işləyən krossover modelini — i8-i rəsmi olaraq təqdim etdi.

Avtomobilin ölçüləri: 5085 × 1960 × 1740 mm, təkər bazası isə 3050 mm-dir. Dizayn baxımından i8 həm krossoveri, həm də miniveni xatırladır. Li Auto dizaynerləri qeyri-adi həllər təqdim ediblər — məsələn, ikiyə bölünmüş ön dirəklər və çox maili ön şüşə. Bu sayədə hava müqaviməti əmsalı cəmi 0,218-ə endirilib — bu, yüksək aerodinamik göstəricidir.

Güc sistemi:

• İki elektrik mühərriki ilə ümumi güc: 534 at gücü,

• Batareya tutumu: 91 və ya 98 kVt·saat (versiyadan asılı olaraq),

• Elektriklə yürüş məsafəsi: 670 km və ya 720 km.

Avtomobil sürətli enerji yığımı texnologiyasını dəstəkləyir — cəmi 10 dəqiqəyə 500 km məsafəlik enerji toplamaq mümkündür.

Bütün versiyalar aşağıdakılarla təchiz olunacaq:

• İki kameralı pnevmatik asqı sistemi,

• LiDAR skaneri,

• 9 təhlükəsizlik yastığı.

Təhlükəsizlik sınaqları da ciddi şəkildə aparılıb: akkumulyator -40°C temperaturda 24 saatlıq test, 10 metrdən yerə atılma və 130 saniyəlik yanma testindən keçirilib. Nəticədə heç bir ciddi zədə qeydə alınmayıb.

Satışlar 20 avqust tarixindən başlanacaq və avtomobil üç versiyada — Pro, Max və Ultra təqdim olunacaq. Başlanğıc qiymət isə 44 500 ABŞ dollarından başlayacaq.