BYD konserninə daxil olan Denza brendi Çində N8L indeksli yeni bir krossoveri sertifikatlaşdırıb. Cnevpostun yazdığına görə, bu yenilik çox güman ki, hazırda flaqman sayılan N9 hibridinin bir qədər kiçildilmiş və daha əlçatan versiyası olacaq. Fotolara əsasən, Denza N8L modelinin bəzi modifikasiyaları standart olaraq damında qutu içində yerləşdirilən dronla təchiz ediləcək.

Uzunluğu 5,2 metr olan bu krossover dörd mühərrikli güc qurğusuna sahib olacaq. Ön hissədə 207 at gücündə 2.0 litrlik daxili yanma mühərriki və 272 at gücündə elektrik mühərriki yerləşəcək. Arxa təkərləri isə hər biri 245 at gücündə olan iki elektrik mühərriki ayrıca fırladacaq. Hibridin gediş ehtiyatı (yəni tam enerji ilə neçə kilometr gedə biləcəyi) hələ açıqlanmayıb, maksimal sürəti isə 220 km/saat təşkil edəcək.