“Rossiyskaya qazeta” avtomobil istehsalçısının mətbuat xidmətinə istinadən yazır ki, yeddi yerlik ailə krossoveri “Moskvich 8”in Rusiyada satışı 2025-ci ilin fevralında başlayacaq.

Modelin ilkin dəyəri 2,8 milyondan 3 milyon rubla (44,933 azn) qədərdir. Qiymət baxımından onun Geely Coolray, Changan CS55 Plus, Omoda C5 və Chery Tiggo 7 Pro Max yolsuzluq avtomobilləri ilə rəqabət aparacağı gözlənilir.

Moskvich 8 rebrendinq edilmiş Çin JAC Sehol X8 Plus-dır.

Rusiya Federasiyası üçün spesifikasiyaya 174 at gücünə malik 1,5 litrlik benzin turbo mühərrik, 7 pilləli robot sürət qutusu və ön ötürücü daxildir.

Seçimlər və konkret qiymətlər hələ açıqlanmayıb.